बुधबार, माघ ८, २०७६ Wednesday 22nd of January 2020

रोनाल्डोले आखिर मिडियामा के भनेका थिए, जसले गर्दा मेस्सी हारको दोषी बने !!

९० पटक हेरिएको

च्याम्पियन लिग हार बार्सिलोनाको पूर्ण दोष प्रशिक्षक र कौटिन्होलाई दिइएको छ भने यस्तैमा ब्राजिलका लिजेण्ड फुटबलर रोनाल्डोले बार्सिलोनाको हारको दोष लियोनेल मेसीलाई पनि दिनुपर्ने बताएका छन् ।

च्याम्पियन्स लिग सेमिफाइनलमा लिभरपुलसँग पराजित भएर बाहिरिएपछि रोनाल्डोको यस्तो प्रतिक्रिया दिएका थिए र संजालमा उक्त कुरा निकै झामिएको थियो ।

पहिलो लेगमा बार्सिलोनाको अग्रतामा मेसीको २ गोलको मद्धतले लिभरपुलविरुद्ध ३-० गोल अन्तरको जित निकालेको बार्सिलोना दोस्रो लेग ४-० ले पराजित भएपछि सेमिफाइनलबाट बाहिरिएको थियो ।

विभिन्न मिडियाले ब्राजिलका फिलिप कोटिन्हो र प्रशिक्षक इर्नेष्टो भालभर्डेलाई बार्सिलोनाको हारको दोष दिइरहेका बेला रोनाल्डोले मेसीलाई हारको दोषी नदेख्नु विभेद हुने बताएका थिए ।

खास उनले मिडियामा के भनेका थिए त ? उनले भनेका थिए -, ‘मैले मिडियामा देखेको छु बार्सिलोना ठुलो क्लब हो, बार्सिलोनामा उत्कृष्ट खेलाडी छन् जो मेसी हुन्, अर्को दिन फेरी मिडियामा देखिन्छ, बार्सिलोनाले मेसीले गर्दा खेल जित्यो, अन्य खेलाडीले हारे । यो सरसर अन्य खेलाडी र कोचीङ स्टाफका लागि नराम्रो कुरा हो, यस्तो हुनु हुदैन ।’

रोनाल्डोले हारको दोष कुनै एक खेलाडीलाई दिनु भन्दा पुरै टिमले लिनुपर्ने बताएका छन् । लिभरपुलले उत्कृष्ट फुटबल खेलेको भएपनि खेलको पहिलो हाफमा बार्सिलोनाले गोल गर्ने अवसर गुमाएको रोनाल्डोले बताएका छन् ।

ब्राजिलका महान खेलाडी रोनाल्डो बार्सिलोनामा सन् १९९६-९७ मा एक सिजन खेलेका थिए । त्यस सिजनमा रोनाल्डोले ४९ खेल खेल्दै ३४ गोल गरेका थिए । त्यस सिजनमा बार्सिलोनाका लागि युइएफए कप, कोपा डेल रे र सुपर कोपाको उपाधि जितेका थिए ।

सम्बन्धित समाचार

भर्खरै

© copyright 2016-2019 and all right reserved to Upahar News | Site By : SobizTrend Technology