शुक्रबार, जेष्ठ १६, २०७७ Friday 29th of May 2020

१४३ को पिसिआर परिक्षण, थप तीन जनामा कोरोना संक्रमण

५३ पटक हेरिएको

उपाहार न्यूज
उदयपुर बैशाख २७
उदयपुरमा थप एक सय ४३ जनाको पिसिआर परिक्षण गरिएको छ, त्रियुगा नगरपालिका ३ भुल्के क्षेत्रका ७३ पुरुष र ७० महिला गरी १४३ जनाको पिसिआर परिक्षण गरिएको जिल्ला जनस्वास्य प्रमुख मोहन सुवेदीले जानकारी दिनु भयो । पिसिआर परिक्षण आईतबार पनि हुने छ, यस अघि त्रियुगा नगरपालिका क्षेत्रका ८८५, चौदण्डिगढि नगरपालिका क्षेत्रका ६१, कटारी नगरपालिकाको ३६, वेलका नगरपालिकाको १६, लिम्चुङबुङ गाउँपालिकाका ८, रौतामाई गाउँपालिकाका ५ र ताप्ली गाउँपालिकाका २ गरी १०१३ को पिसिआर परिक्षण गरि सकिएको छ ।
यता उदयपुरको त्रियुगा नगरपालिका–३ भुल्केस्थित नुरी मस्जिद क्षेत्रका थप तीन जनामा कोरोेना संक्रमण पुष्टि भएको छ यो सँगै संक्रमितको संख्या उदयपुुरमा मात्रै ३१ पुगेको छ ।
स्वास्थ्य तथा जनसंख्या मन्त्रालयले शनिबान बिहान दिएको जानकारीअनुसार यहाँका १८, ४५ र ६५ वर्षीय महिलामा संक्रमण भएको पुष्टि भएको हो। उनहिरु सबै मुस्लिम समुदायका महिला हुन् । कोशी अस्पताल विराटनगरको पीसीआर ल्याबमा गरिएको परीक्षणमा उनीहरुलाई संक्रमण देखापरेको मन्त्रालयले जनाएको छ।
तीन दिनअघि भुल्के क्षेत्रका ३३४ जनामा दोश्रोपटक गरिएकको स्वाब परीक्षण गरिएको थियो। सोही मध्ये ३ जनामा संक्रमण पुष्टि भएको जिल्ला स्वास्थ्य कार्र्यालयका प्रमुख मोहन सुवेदीले जानकारी दिए। संकलित स्वाब धरानस्थित विपी कोइराला स्वास्थ्य विज्ञान प्रतिष्ठान र विराटनगर पठाइएको उनले बताए। पठाइएका मध्ये आधाको मात्र रिर्पोट आएको र बाँकीको परीक्षण भइरहेको सुवेदीले जानकारी दिए।

सम्बन्धित समाचार

भर्खरै

© copyright 2016-2019 and all right reserved to Upahar News | Site By : SobizTrend Technology