आइतवार, चैत्र १६, २०७६ Sunday 29th of March 2020

नगर विकासमा मधेशी युवाहरुको चासो

१०२ पटक हेरिएको

उपहार न्यूज
उदयपुर फागुन १७
त्रियुगा नगरपालिका क्षेत्र भित्र रहेको मधेशी युवाहरुले नगरपालिकाको विकासमा आफुहरुको पनि सहभागीता रहनु पर्ने औल्याएका छन् । गाईघाटमा मधेशी युवा समाजले आयोजना गरेको नगर विकासमा मधेसी युवाहरुको सहभागीता बिषयक अन्तरक्रिया कार्यक्रममा उनीहरुले विकासमा सहभागीताको माग राखेका हुन् ।
स्थानिय स्तरमा हुने विकास निर्माणका गतिविधिहरु पहुचको आधारमा हुने भन्दै उनीहरुले समावेशी तरिकाले विकास समान हिसाबले हुनु पर्नेमा जोड दिएका छन् । उनीहरुले नगरपालिकाले युवाहरुको लागि ठोस निति र कार्यक्रम तय गर्नका लागि समेत दबाब दिएका छन् ।
कार्यक्रममा मधेशी युवा व्यवसायीहरु सुनिल ठाकुर, राजकुमार शर्मा र विनोद गुप्तालाई सम्मान गरिएको थियो, कार्यक्रममा त्रियुगा नगरपालिकाका नगर प्रमुख वलदेव चौधरी, उप प्रमुख देवी चौधरी लगायत विभिन्न क्षेत्रका व्यक्तिहरुको सहभागीता रहेको थियो । गाईघाट स्थित रामजानकी पार्टी प्यालेसमा आयोजित कार्यक्रमको अध्यक्ष चन्दन शाहले मधेशी युवाहरुलाई भुमिका विहिन बनाईदा आफुहरुको मतको अवमुल्यन हुने गरेकाले यस किसिमको कार्यक्रमको आयोजना गरिएको बताए । मधेशी समाज उदयपुरका उपाध्यक्ष राहुल यादवले हरेक क्षेत्रमा मधेशी युवाहरुलाई पछाडि पारिएकाले आगामी दिनमा त्यसो नगर्न संबद्ध सबै पक्षलाई आग्रह गरेका थिए ।

सम्बन्धित समाचार

भर्खरै

© copyright 2016-2019 and all right reserved to Upahar News | Site By : SobizTrend Technology